السلام عليكم ورحمة الله وبركاته
موضوع برغم حجمة في الصياغة ولكنه كبير في المفعول
الغيرة داء يعاني منه المرأة والرجل.وهو تعبير المحب لحبيبه
عن مدى حبه فهو شعور لا يستطيع المحب تمالك نفسه منه
أو تجنبه مهما حاول ذلك.وقد تتفاوت درجة الغيرة من شخص
لآخر بحسب اختلاف الرابط الذي ربط بين الاثنين
وقوته.وبالتاكيد هناك فرق كبير بين الغيرة والشك
ولا مجال للمقارنة بينهما. ماهو رأيك بالغيرة؟
انا عن نفسي أحس أن الرجال اللي ما يغار على زوجته أو بناته أو خواته مو رجال .. والحرمة اللي ما تغار على زوجها ما عندها احساس لأن الغيره تعبير عن الحب ... واللي ما يحب ما يغار ننتظر آرئكم ياأخواني ...
عندي تعليق اضافي بس ممكن اقوله
الغيرة انواع وتختلف من شخص لاخر
لكنها درجاااات
فيه بعض الزوجات تغار على ازواجهن بطريقه زايده عن اللزوم
والله واحد من اخوياي دايم هواش هو وزوجته بسبب غيرة زوجته عليه
قلت له عادي انت من حقها تغار
يقول لا بس غيرتها زايده مرررة لابعد الحدود
مثلا تقول له لا تسلم على خواتك ببوس الخد
لا تحب راس اخواتك الكبااار
ومن هالامور
الصراحة انا استغربت من غيرتها الزايده
يعني ما توقعت توصل لهالدرجه
انا ما الوم بكلامي هذا الحرمة بس
فيه ازواج منعدمة عندهم الغيرة
مثلا يجيب مدرس خصوصي يدرس اخته ( وربي يوم سمعت عن هالشي من واحد انجنيت وبغيت بالجززمة على راسه وانتم بكرامة )
والا مثلا يخلي خواته او زوجته تجلس مع غير محارمهم فترة طويله في مجلس
طبعا انا اتكلم من باب عاداتنا وتقاليدنا وفيه ناس يعتبرون الموضوع عادي
لذلك انا من رايي ان تكون الغيرة بحدود العقل والمنطق
يعني ما توصل لدرجة الدياثه الزايده
وبالبدايه والنهاية هذا رأيي الشخصي